Cas Koj Siab Dub

Txoj kev hlub uas kuv tau muab rau koj

Txoj kev nco twb muab rau koj tag nrho

Ua cas hnub no koj tias koj wb sib tso

Koj hais ib los ntawm wb tso tseg txij no

Koj muaj tus tshiab lawm cas koj tsis ntxov qhia

Es koj twb paub tias koj yeej hlub kuv tsis tiag

Cas koj tseem dag ntxias kuv no ib hnub dhau hmo

Twb ntuj tav li no es koj mam kom sib tso

Es koj puas paub tias nws mob mob kuv siab

Txoj sia yuav tu hais tsis tau ib lo lus

Vim tias koj twb tias yuav muaj kuv no xwb

Ua rau kuv ntseeg hlub koj muaj koj ib leeg

Es twb tsis paub tias koj yuav ua siab dub

Rhuav wb kev hlub tsis ua li wb tej lus

Tu siab txawm tias yuav quaj yuav qw

Txawm yuav zaj twg los tuav tsis tau koj cia

Vim tias koj lub siab twb tsis muaj kuv lawm tiag

Txawm yuav quaj yuav thov los koj yeej tsis rov los

--- Music ---

Tus neeg kuv hlub cas koj ua tau siab dub

Tus neeg kuv nco cas koj ua tau li no

Koj twb tsis hlub cas tsis qhia kuv thaum ub

Koj twb tsis nco cas koj tsis qhia thaum ntxov

Es los hnub no kuv twb tso tsis tau koj

Cas koj yuav ua siab dub siab phem ua luaj

Ua nkauj ua nraug los ntaus lub xyoo

Kev hlub pua ntsoog nkim tag lub caij lub nyoog

Los koj tsis hlub lawm ces kawg tso koj mus

Raws li koj kev ntshaw es mus raws koj tus npau suav

Vam tias koj yuav tsis muaj hnub poob lub kua muag