Hmoov Tsis Raug

Sib hlub kawg nkau los hmoov tsis raug

Koj thiaj li tau ncaim dhau ntawm kuv mus ciaj luag nyab

Mus cheb luag qab plag qawj ntxuav qab yiag to

Tseg kuv lub siab no mob tiv nyiaj txoj kev nco koj

Koj tia tsis tau los kam liam mog

Mam nco ntsoov tej lus cog koj teev ntshav tes wb hau

Txawm tsis sib tau ua nkawm rau saum yaj ceeb

Tsuav tau raus hauv nruab yeeb wb mam tsis txhob sib ncaim mus li

Cia yog hnub twg koj ib pas nqus tsis tuaj

Kuv mam tuaj tshuab ib zag qeej ua koj luag

Mus hlas toj roob kab ntsuab cuaj lub toj roob kaj nrig

Koj thiaj mus tshwm raus cuaj txoj kev khaub lig

Ua lub neej khos siab zim nyob pem rooj ntug tos kuv

Txog hnub ua kuv txoj sia tu nrho

Lawm kiag koj qab los txog wb mam li txia li ntshi

Ua kab xis xiv yam ntxuaj tis mus tawj thiab

Mam mus sib hlub duas tshiab nyob rau fab lawm tiam

Koj tej lus kuv yeej nco ntsoov cia

Mob lub qawv kuv nplooj siab tsis tham tsis qhia twg paub

Yuav to kom tau hnub ntawv xwb mam thiaj tag

Chim siab tag npaum no na yeej tsis yuav ncaim koj li

--- Music ---

Cia yog hnub twg koj ib pas nqus tsis tuaj

Kuv mam tuaj tshuab ib zag qeej ua koj luag

Mus hlas toj roob kab ntsuab cuaj lub toj roob kaj nrig

Koj thiaj mus tshwm raus cuaj txoj kev khaub lig

Ua lub neej khos siab zim nyob pem rooj ntug tos kuv

Txog hnub ua kuv txoj sia tu nrho

Lawm kiag koj qab los txog wb mam li txia li ntshi

Ua kab xis xiv yam ntxuaj tis mus tawj thiab

Mam mus sib hlub duas tshiab nyob rau fab lawm tiam

Koj tej lus kuv yeej nco ntsoov cia

Mob lub qawv kuv nplooj siab tsis tham tsis qhia twg paub

Yuav to kom tau hnub ntawv xwb mam thiaj tag

Chim siab tag npaum no na yeej tsis yuav ncaim koj li