Yuav Tau Puas Hlub

Cas koj zoo nkauj ua luaj li os leej muam

Koj mam zoo nkauj cuag li muab yeej hub puab

Lub cev los yig phim nkaus koj lub ntsej muag

Zoo tshaj txhua tus ntsia koj npaum cas tsis dhuav

Yog koj qhuas tiag los koj tab tom dag kuv

Zoo npaum koj hais yuav tau es koj puas hlub

Yuav ua li cas ntseeg tau koj tej me lus

Tsam koj tej lus ua dej kub los hlab kuv

Kuv meem tsheej tab thiab kuv lav tsheej tswv

Yog koj yuav kuv yuav hlub koj kawg siab ntsws

Tag koj sim neej tsis pub koj kua muag ntws

Qhov uas kuv ntshai tsam koj tsis kam uav kuv xwb

Lav ruaj npaum koj yuav muab dab tsi los tab

hnub twg ntxeev siab es koj yuav hais li cas

Yam muaj nqi tshaj yog kuv txoj sia txoj pa

Yog kuv lam dag cia koj txiav kuv caj dab

--- Music ---

Ua cas koj yuav zoo nkauj ua luaj li tiag

Xav muab rub rhe los puag hauv kuv xub ntiag

Nej cov txiv neej dag dag tsis ntseeg koj siab

Yawm saub phij cuam txiv neej siab lim lim hiam

Yuav kom kuv ntseeg koj tuaj thov niam thov txiv

Coj tej tus neeg tseem ceeb tuaj lav tuaj ris

Ok tauv loos cog lus tsis pub koj thim

Yog koj hloov siab nco ntsoov koj yuav muaj txim

Yog li ntawv ces kuv txiav txim siab yuav koj

Tab sis nco ntsoov tej lus hnub no koj cog

Ua li ntawv kiag tus neeg ntxim hlub ntxim nco

Zoo siab tshaj plaws tiam no kuv tau kiag koj

Ua koj tsaug ntau qhov koj txiav txim yuav kuv

Kuv los ib yam zoo siab tau ua koj tug

Wb yuav mus ua yim neej kom sib sib hlub

Niam mloog txiv hais txiv los yuav mloog niam lus