Tsis Pom Lub Ntuj

Kuv lub neej tsaus ntuj nti

tsis pom txoj hauv kev tsis muaj neeg paub kuv

txoj kev lwj siab kuv lub neej txom nyem ua luaj no

cas yuav ntsiab tsis pom lub ntuj lub ntuj

Kuv yug los txij thaum kuv me

los txog tav li no lub ntuj tsaus

ntuj nti ua rau kuv tsis pom

ua rau kuv tsis hnov

tsuas xav txog txoj kev ua si

mus laij tas li tsis kawm ntawv

thaum kawg yus xav ces twb lig

mus nrog cov neeg yuav kev

mus ua tub sab tub nyiag

mag kawg qhov tau thaum ntawv

tsis muaj phooj ywg yuav ntsia

tsis muaj leej twg yuav pab

thaum kawg yog kuv txiv txhawb nqa

pab tsa kuv lub neej kom kuv muaj

cuab muaj yig es sawv ntsia li ib

tug txiv neej hauv yus lub neej

yuav tsum ntsia kom tob kom yog

vim tias thaum yug lub neej puas

tsis muaj leej twg yuav los kho

tsuas yog koj thiaj li hlub tau

koj tus kheej nrog rau ntawv koj niam thiab koj txiv

ua tau pab tuav koj lub neej

Kuv lub neej tsaus ntuj nti

tsis pom txoj hauv kev tsis muaj neeg paub kuv

txoj kev lwj siab kuv lub neej txom nyem ua luaj no

cas yuav ntsiab tsis pom lub ntuj lub ntuj

Kuv yug los tsis mloog lus

plaub hau daj thiab plaub hau ntev

niam thiab txiv lawm twb cem cem

tias ua cas tsis ua neeg zoo

niam twb tsis tau muab kuv nplawm

kom nqaij doog kom tau muab xaws

es ua li cas kuv thiaj li

cia luag tej los muab kuv ncaws

cia luag tej los muab kuv ntau

cia luag tej los muab kuv nkaug

xav kom zoo rau koj tus kheej

sev kuv cov lus nws puas rau

vim thaum nws los txog koj thib

thaum koj lub neej rov los pib

thaum koj los ua ib leeg txiv

muaj me nyuam los puv lub tsev

koj yeej xav kom lawm tau zoo

tsis xav kom zoo li koj

kuv yeej hais qhov tseem puas yog

yuav tsum ua koj lub siab hlo

los ua ib tug neeg kom zoo

me nyuam lawv thiab li los ntsia

thaum muaj kev nyuaj siab los qhia

koj zaj dab neeg thiaj los piav

Kuv lub neej tsaus ntuj nti

tsis pom txoj hauv kev

tsis muaj neeg paub kuv

txoj kev lwj siab

kuv lub neej txom nyem ua luaj no

cas yuav ntsiab tsis pom lub ntuj lub ntuj

Tig los ntsia koj tus duab ntxoo

koj puas pom txoj kev nyuaj siab

txoj kev phem tsis txhob mus ua

koj lub neej tseem tsis tau piam

kev ua laib muab tso pov tseg

kuv paub hais tias nws yeej nyuaj

ua dab tsi los nws pheej daig

ua neeg zoo los cuag pheej ntshua

kom koj tig rov qab mus ua

ib tug neeg li yav thaum ub

dab ntxwg nyoog tuav koj lub siab

txhob cia nws tuav koj lub hlwb

yug los ua ib tug neeg phem

kuv paub hais tias lub neej lem

tiab sis nws tseem tsis tau lig

koj lub neej tseem tshuav ntev ntev

tsis txhob maj mus nyob qhov taub

tsis pom lub ntuj tsuas yog pom hlau

tsis txhob mus ua neeg phem ntxiv lawm

kav tsij hle kiag koj txhais khau

mus yuav nkawm tshiab tsis txhob mus ua neeg liam

vim yog tias ua neeg nyob tsuas

yog ib pliag ib ntsais muag ces tsaus ntuj lawm tiag

Kuv lub neej tsaus ntuj nti

tsis pom txoj hauv kev

tsis muaj neeg paub kuv txoj kev lwj siab

kuv lub neej txom nyem ua luaj no

cas yuav ntsiab tsis pom lub ntuj lub ntuj

Dab ntxwg nyoog nws tuav koj lub siab

tsis txhob cia nws los kav koj lub hlwb

peb ua neeg nyob tsuas yog ib zaug xwb

tsis muaj lwm tiam

los txawm tias nws yuav muaj lwm tiam

los tshe peb yuav tsis nco qab ib qhov dab tsi

zaj nkauj no tsis yog kuv lam sau

peb yeej dhau tag los lawm

kuv thiaj li paub sau rau nej mloog

xav kom zoo rau nej tus kheej