Plam Koj Tim Vaj Loog Tsua

Yeej paub zoo tias

Thaum ntawv kuv tseem txom nyem

Es wb txoj kev

Sib hlub thiaj mus tsis tau

Tsis yog cov laus thiab tsis yog tim UN

Es wb txoj kev npau suav

Nws thiaj li xaus tim Vaj Loog Tsua

Ncaim Vaj Loog Tsua

Tuaj txog rau Australia

Los kuv tseem khiav

Tsis dhau txoj kev nco koj

Es koj puas nco

Wb tej lus tim pas ntses

Thiab wb mus tom phu kae

Tau hais tseg koj puas nco lawm

Vim yav tag los

Thaum nyob Vaj Loog Tsua

Wb yeej muaj

Txoj kev sib hlub los ntev

Vim kuv txom nyem

Kuv thiab li ua tsis tau

Li koj niam thiab koj txiv

Txoj kev ntshaw thiaj tsis tau koj

Chim siab tshaj plaws

Thaum ntawv yog zoo li no

Ntshe yuav tsis thov

Tso koj ncaim mus yooj yim

Vim tseem txom nyem

Kuv thiaj tsis muaj cuab kav

Yuav nqa lub kaus tuaj khuam

Tom nej tsev nqi tsev hais koj

Thiaj tu siab nrho

Thaum koj muaj npe mus mekas

Kua muag poob nthav

Tsis paub yuav ua li cas

Chim siab tshaj plaws

Tau puag los tsis tau yuav

Ntshe lub neej no kuv yuav

Lwv tsis tau txoj kev nco koj

Khuv xim tshaj plaws

Thaum nyob vaj loog tsua

Wb yeej muaj

Txoj kev sib hlub los ntev vim kuv txom nyem

Kuv thiab li ua tsis tau

Li koj niam thiab koj txiv

Txoj kev ntshaw thiaj tsis tau koj

Kuv tu siab nrho

Thaum uas koj nce dav hlau

Wb kev nkauj nraug

Thiaj tu txij hnub ntawv los

Koj muab kuv tso

Pov tseg tim Vaj Loog Tsua

Tsis ua li wb tej lus

Uas tau hais tseg cia tim vav

Thiaj seev lub suab

No tuaj hais qhia rau koj

Tias kuv tseem nco

Ntsoov koj tsis ploj ib pliag

Yog tias muaj hnub

Koj tau tig rov qab los

Nco ntsoov tias kuv tseem nyob

Tim Australia tos koj koj mog