Ua Ib Siab

Me nraug hmoob ua ib siab

Tsis txhob nco txog kuv mus ntxiv

Thiaj tsis ua rau koj

Lub neej poob qab thiab lig

Koj muaj koj tug ziag no kuv twb muaj kuv li

Txhob nco kuv ua koj lub kua muag si

Me nkauj hmoob tus neeg zoo

Yeej paub tias kuv ua tsis yog

Koj twb muaj ib tug

Los lub siab tseem nrog nraim koj

Vim koj yog tus tau kuv lub siab tag nrho

Kuv thiaj tso hnov qab tsis tau koj mus

Me nraug hmoob cia li tso

Hnov qab kom tau kuv mus

Kuv tsis yog tus

Hnub no koj tsim nyog nco

Tus koj yuav hlub

Yog tus pw koj xub ntiag txhua hmo

Thiaj tsim nyog nws los yog koj ib leeg sev

Me nkauj hmoob txij no mus

Kuv mam ua ib siab zuj zus

Mam muab kuv tus los nyob

Los hloov koj chaw

Koj thiab kuv wb kev hlub ntshe tsis muaj lawm

Mam tsis khaw koj los ua kuv poob kua muag

Me nkauj hmoob yuav ua cag hnov qab kom tau koj mus

Koj xwb yog tug nyob nraim hauv kuv lub siab

Txawm muaj lwm tug los zoo tsis cuag koj

Sim neej no ntshe yuav mob siab ib sim

Me nraug hmoob txij no mus ntshe kuv tawm hauv koj lub neej

Es muaj lwm tug los nyob nov hloov kuv chaw

Koj thiab kuv kev hlub yeej tsis muaj lawm

Tsis txhob khaws kuv los khuam koj lub neej