Kev Hlub Puas Ntsoog

Huas:

Kev sib hlub nws puas ntsoog

Mob kuv lub siab no tsis muaj hnub zoo

Vim luag txwv kev sib hlub

Luag tsis pub koj thiab kuv wb sib yuav

Lub kua muag thiaj tau ntws los

Nplias:

Tsis txhob chim tsis txhob quaj

Tig los no kuv so koj lub kua muag

Tsis txhob quaj vim tej laus

Thiaj ua rau wb txoj kev hlub no tu

Thiaj muab wb faib nyias mus nyias

Huas:

Mob lub siab vim luag txiav wb kev sib hlub

Luag txeeb rub koj ntawm kuv lub xub ntiag mus

Kev sib hlub ntawm koj kuv yav tag dhaus los

Txawm yuav tsis muaj nuj nqis dabtsi li los

Huas & Nplias:

Kuv hlub koj tshaj txhua yam

Yeej tsis xav tias ntshe yuav muaj hnub no

Kuv hlub koj tshaj lwm tus

Tsis xav tias ntshe wb txoj kev sib hlub

Yuav los tu los xaus li no

Nplias:

Hlub ib zaug tsis sib tau

Lam mus nrog luag ua neej tsaus ntuj nti

Lam mus raws niam txiv lus

Txawm yuav mus ua lub neej nyob tsaus ntuj

Los tsuav kuv niam txiv siab nqig

Huas:

Koj mus lawm tshuav txoj saw

Puag thaum ub koj tau muab tso rau kuv

Kuv lam khaws nws cia saib

Thaum lub siab nws quaj nws hu nco koj

Tau muab los saib tias yog koj

Nplias:

Tus kuv hlub zaum no kuv yuav tau ncaim koj

Yuav ua cas nco koj mus txog rau hnub twg

Zaum no wb yuav sib ncaim sib nrug mus tiag

Nco ntsoov tias kuv hlub koj nawb mog leej nus

Huas:

Yog koj mus tshav ntuj nrig ces cia li

Tsis txhob quaj nco lawm mog

Yog koj mus tsaus ntuj nti

Ib hnub twg luag tsis xav hlub yuav koj

Rov qab los kuv tseem hlub koj