Neeg Siab Dub

Txij hnub no lawm tov

koj yuav ploj zuj zus hauv kuv lub neej

neeg siab tsis ncaj ncees

twb muaj tus lawm tseem tuaj ntxias

ua rau kuv lub siab… quaj dhi tsis xav ua neeg

kev nqe peev zaum no txhua yam koj tau tag nrho

txij hnub no lawm tov kuv lub neej tsis tshuav dab tsi

lub kua muagntws si tshuav txoj sia nrog rau lub plawv

Txij hnub no…

koj yuav ploj zuj zus hauv kuv lub neej

xav hais tias yog ib zaj npau suav phem

dhau hnub no yuav lwj zuj zus

mob npau twg los mam li uv

dhau hnub no lub rwj aws ncuv nws yuav qhuav mus

sau txhua yam ntawm koj los ua ib ke

muab rau dej tshoob mus koj txog zaj teb

muab av txhub kom ntsoog kom tawg

muab rau cua ntsawj koj txog ntuj kawg

dhau hnub no es kuv lub plawv

yuav tsis nco tus neeg siab dub…

Txij hnub no lawm tov

koj yuav ploj zuj zus hauv kuv lub neej

tus me niag neeg ruam dhau hnub no nws yuav pib ntse

yuav tsis ua pob ntseg sib mloog leej twg hais lawm…

Txij hnub no…

koj yuav ploj zuj zus hauv kuv lub neej

xav hais tias yog ib zaj npau suav phem

dhau hnub no yuav lwj zuj zus

mob npau twg los mam li uv

dhau hnub no lub rwj aws ncuv nws yuav qhuav mus

sau txhua yam ntawm koj los ua ib ke

muab rau dej tshoob mus koj txog zaj teb

muab av txhub kom ntsoog kom tawg

muab rau cua ntsawj koj txog ntuj kawg

dhau hnub no es kuv lub plawv

yuav tsis nco tus neeg siab dub…