Kuv Lub Siab Tsis Yog Hlau

kuv no lub siab nws twb tsis yog hlau

ntshe ua tsis tau koj tus me hluas nraug

ntshe txais tsis tau koj ua kuv tus hluas nkauj

siab tsis yog hlau nrog koj sib hlub tsis tau

kuv no lub siab nws twb tsis yog tooj

kuv tsis kam ntoog txoj me kev mob siab

kuv tsis kam ntsia koj nrog luag sib hnia

vim kuv lub siab nws tsis yog tooj yog hlau

kuv no lub siab nws tsuav yog ib thooj nqaij

ntshe nws yuav tawg thiab ntshe nws yuav paim

thaum hnov luag hais txog koj tej me hluas nraug

qhia ncaj rau koj kuvyog tus neeg siab me

kuv no qia dub kuv txoj me kev sib hlub

kuv tsis kam koj muab pub rau coob coob tus

hais lo lus hlub rau txhua tus lub pob ntseg

thaum paub tias koj muaj coob coob tus hluas nraug

kuv mam los zaum txheem pob tsaig xav

kuv mam los hnya hais tias yog vim li cas

tshuav dhia qab txag vim tham tau neeg siab hlau

kuv no lub siab nws tsuav yog ib thooj nqaij

kuv tsis kam koj muab txo cov lus los hais

ntshe tsam yuav paim mob ntxais mus txog hnub tuag

qhia ncaj rau koj kuv yog tus neeg siab ti

kuv no xam khib kuv txoj me kev sib hlub

kuv no qia dub kuv txoj kev nkauj nraug

siab loj tsis txaus yuav ua koj tus hluas nraug

siab tsis yog hlau yuav hlub nrog koj tsis tau

siab loj tsis txaus cia wb nyias mus nyias lau