Mus So Lub Siab

tso koj tsawg zaus los tso tsis tau tus neeg kuv hlub

thaum rov qab mus pom tej qub chaw koj thiab kuv nyob

ua rau rov nco rov xav txog koj

ua rau rov mob ua rau rov hlub

tso koj tsawg zaus thiaj tso tsis mus

tso koj tsawg zaus los tso tsis tau tus neeg kuv nco

ua siab mus nyob rau ib thaj chaw kom deb deb koj

hloov dua chaw nyob hloov duas zej zog

hloov dua huab cua hloov dua roob hav

seb txoj kev xav puas hloov mus raws

[Chorus]

yeej paub zoo tias koj muaj tus tshiab

kuv yeej nkag siab thiab pom txhua yam

los xyov ua cas los xyov ua cas siab ua plag nplas

lub siab tsis kam tso tsis tau koj

lub ncauj tias tso los siab tsis tso

lub ncauj tias tsum los siab tsis tsum

ntshe txoj kev hlub npog kuv qhov muag

kuv thiaj tsis muaj txoj hau kev tshwm

tshuav tib txoj kev yuav tsum khiav tawm thaj chaw no

mus kom deb koj mus nyob ntsiag to rau ib qhov twg

mus so lub siab mus so lub ntsws

mus qhov qab wb txoj kev sib hlub

seb puas muaj hnub tso tau koj tseg

mus hloov lub siab mus hloov lub ntsws

mus qhov qab wb txoj kev nkauj nraug

thaum twg tso tau mam rov los dua