Poj Ntxoog Los Kuv Tsis Ntshai

luag cav cav tias ntu kev ntawv muaj poj ntxoog

luag cav cav tias ntu kev ntawv muaj dab tsov

ntuj teb tag hmo los kuv yeej tseem maub tuaj

tuaj nrog koj nyob tuaj nrog koj tham kuv tsis nco ntshai

niam txiv pw tas zej zog twb pw ntsiag to

kuv mam txav los khooj kiag ntawm koj phab ntsa

tshuab ncas tsa koj sawv los nrog kuv txuas lus

tham txoj kev hlub tham txoj kev nco wb muaj ua ke

Chorus:

nyob pem tojsiab huab cua txias txias

cua tuaj vig vwg no no kawg li

hnov suab aub tom puag tim tej ntug zos

xyov tom dab tsi los kuv tsis ntshai

vim yog muaj koj ua pa sov so

ntawm lub qhov tsev rau kuv tsis tseg

lub hli qaij nroos qaib twb pib qua thawj tsig

koj sawv ua tshais kuv mam li tig los tsev

tsaug zog taug kev hla hav toj ntxas los mus

vim txoj kev hlub vim kev nkauj nraug kuv tsis nco ntshai

lub caij lub nyoog twb dhau los tau ntau xyoo

tseem hnov ploj loog koj txhua me lo lus ntxhi

lo lus qab zib wb ntxhi ntawm lub qhov tsev

yuav tshuav ho ntev yuav pes tsawg xyoo thiaj hnov qab tau

Chorus:

tam tseeb tiag yom kuv tus me qub hluas nkauj

nco tham nco haub los twb tsis nco sib sau

nco daj nco deev los twb tsis nco sib tau

wb kev nkauj nraug thiaj raug dab tsov txeeb dab tsov huas

zaj dab neeg no koj kuv wb yog tus tsim

tej lus qab zib wb ntxhi ntawm sab phab ntsa

yuav tsis pub tag yuav khaws ua sab sij huam

piav qhia me nyuam xeeb leej xeeb ntxwv tau mloog ua si

yuav tsis pub tag yuav khaws ua sab sij huam

piav qhia me tub piav qhia me nyuam

ntxias lawv pw tsaug zog