Thov Pom Siab Tus Neeg Pluag

thov koj pom siab tus neeg txom nyem

tsis muaj me me sij hawm seem rau koj li

vim ntshai tag kis neeg pluag yuav noj dab tsi

thiaj li muab lub sij hawm mus cawm nws txoj sia tag

thov koj nkag siab tus neeg tseem pluag

nws txaj qhov muag vim lub neej tsis xws luag

thiaj yuav tau ua tau khwv tag nrho lub zog

xav xav tuaj ntsib koj los thiaj tuaj tsis tau li os

[Chorus]

yoo tshaib yoo nqhis… siv sij hawm kom muaj nqis

ntuj teb tsaus nti neeg pluag tseem ua hauj lwm

hmo ntuj tsis pw… nruab hnub los tsis tau so

sij hawm tag nrho… thiaj tsis tau tuaj cuag koj os

neeg pluag yeej paub neeg pluag qhov txhaum

tias ua tsis tau tus hluas nraug zoo rau koj

tsis tau tuaj coj koj mus kav kiab kav khw

ua si ywj siab ywj ntsws xws li luag lwm tus hlub

lam nrog pluag tos pluag tus npau suav

yog tias nws muaj tseeb li neeg pluag xav tseg

yuav tau ua ke nyob ze txhua hnub txhua hmo

yuav tau los tawb nrog koj tsis nrug koj mus ib pliag

ua siab ntev mog neeg pluag tus hlub

txhob maj khiav mus mus ua neeg nplua nuj tus

yog tias muaj hnub neeg pluag txoj hmoo los txog

yuav muab sij hawm nrog koj kom tag txhua vib nas this