Tuaj Txog Lub Tsev Kawm

Tuaj txog lub tsev kawm thaum ntawv wb tseem kawm ntawv

Tuaj txog tej qub chaw thawm ntawv wb tseem ua ke

Nco lub rooj pob zeb thaum ntawv wb ob leeg zaum

Nco txog phau me ntawv thaum ntawv wb ob leeg sau

Nco lub vaiv vias hlau thaum ntawv wb zaum ua si

Tuaj txog lub tsev kawm zoo li yuav pom koj tawm

Tuaj txog tej qub chaw zoo li yuav rov ntsib koj

Tos hnub kuj dhau hnub tos hmo kuj dhau hmo

Tsis pom koj rov los nrog koj tej phooj ywg

Tsis pom koj tuaj tshwm ntsej muag li yav tag los

Tsis pom koj rov los zaum no ntshe tag mus li

Nco thaum wb tseem ua ke wb zaum ntawm rooj pob zeb

Nyias sau nyias ntawv nyo nyes hnub hmo twb tsis nco ntev

Thaum tseem ua ke ntu kev twg los yiag yiag

Thaum tseem ua ke hnub twg los huab cua txias

Txij tuaj ncaim kiag cas ntsia txhua yam hloov mus

Rov ntsib wb tej xib fwb, rov ntsib wb tej phooj ywg

Leej twg los kuj nug txog hais tias cas tsis pom koj

Twb tsis tau piav cas lub kua muag twb los

Twb tsis tau qhia cas lub kua muag twb nrog

Xaiv tsis tau lo lus twg los tham qhia lawv

Sau ntawv los tsis ncaj kab, tsis hnov tej xib fwb hais

Rhais ruam los tsis ncaj kev, nqis tsev los tsis ncaj ntaiv

Tsuas hnov lub kua muag pawv

Tej phooj ywg hais npaum cas los tsis haum siab

Tej phooj ywg ntxias npaum cas los tsis zoo siab

Yuav tav twg tiag thiaj li yuav tsis nco koj

Puas yuav kawm tiav yog nco koj tag npaum no

Puas yuav kawm tiav yog nco koj tag npaum no