Txhob Pub Luag Paub Tias Wb Sib Tso

Tsam muaj ib hnub ntsib tej txheeb ze

Luag nug koj ne yuav teb li cas

Yuav qhia ncaj qha tias wb twb tag

Los yuav hais dag tias koj tseem nyob tom tsev

Tsam muaj ib hnub ntsib tej phooj ywg

Luag nug txog wb yuav teb los twg

Yuav qhia tias wb twb sib ncaim mus

Los yuav dag tias wb tseem sib sib hlub

Oh… ua neeg yuam kev

Yav tag nram ntej wb los sib sau

Niam tais dab laug kwv tej neej tsa

Leej twg los nqa xov paj los khi

Foom kom wb ua lub neej nto ntsis Tawg paj txi txiv

Muaj tub muaj ki muaj koob muaj meej

Ua cas hnub no ho rov qab qees

Yuam kev ua neeg lawm tiag zaum no

Yog muaj ib hnub ntsib tej phooj ywg

Dag lawv tias wb tseem sib sib hlub

Tseem zoo li qub yeej tsis tau hloov

Thov koj nco ntsoov txhob pub qhov tsis zoo

Ntawm wb rau luag paub mog