Puag Tu Moo

cas tag kis no pos huab li nti

vim kev niam txiv yuav muaj tso tseg

hnub no lub neej yuav muab sib txhem

zaum no wb yuav mus leeg txoj kev

kuv me koj niam tsis txhob chim chim

sib nrauj zaum no tsis yog ua si

zoo li npau suav es ho rov tsim

ncaim mus zaum no ces tag ib sim

los kuv puag koj ib zaug ua zaum kawg

hais tias wb ua ib zaug txij nkawm

puag koj zaum no ua zaum tu hmoo

ua ntej yuav hloov dua tswv

wb tej me nyuam quaj pos muag nti

ntshe yuav nrog ntshis ntxuag lub kua muag

ntshe yuav muaj niam los tsis muaj txiv

yuav nyob nrog ntshis tsis muaj txiv hlub

los kuv puag koj ib zaug ua zaum kawg

hais tias wb ua ib zaug txij nkawm

puag koj zaum no ua zaum tu hmoo

ua ntej yuav hloov dua tswv

vim tsis txawj ua lub neej xws luag

thiaj ua lub neej los muaj hnub no

lub neej thiaj xaus khuam ntab khuam ntuv

lub neej thaum kawg thiaj li ncaim mus