Hlub Mus Kawg Keeb

Cas koj tus mob tsis txawj zoo li

Koj lub ntsej muag pw qi muag nti

Tos tau ib hnub dhau ib hli

Los koj tsis qhib qhov muag ntsia kuv li

Ntshe koj tus ntsuj plig twb mus lawm

Tshuav lub plawv tseem Ua zog tsis tu xwb

Kuv me Nkauj ntxhee sawv los ma

Tej mi paj xyoob paj ntoos tawg hlav tag

Me kab me noog twb plhis ya

Mus nqaum paj nqaum nruas ua npoj ntws

Sawv los wb tseev zam seev li yeev

Mus kav kiab kav khw nqaum paj nqaum nruas

Es yuav mus ncig wb tej chaw

Nyob puag saum roob ntsia hauv hav

Cua nplawm ntws li yav tag

Koj hais kuv hais tias

Koj yuav hlub kuv mus kom kawg keeb

Yuav tsis muaj hnub Koj yuav ncaim kuv mus

Kuv me nkauj ntxhee tus kuv hlub

Cas lub ntuj txawj los nag txawj tshav

Cas koj mob koj tsis txawj zoo

Vim txoj hmoo los yog vim qhov twg

Cas koj wb yuav raug txoj hmoo tsis zoo

Kua muag poob ntshe yog vim lub ntuj tso

Nkauj ntxhee koj sawv lawm lob

Nuj huas puas yog koj

Mm yog kuv ma Nkauj ntxhee

Nuj Huas kuv hais rau koj hais tias

Ntshe kuv yuav tau tso koj tseg

Nyob hauv lub ntiaj teb no es lwm tiam

Wb mam rov los sib hlub dua mog

Nkauj ntxhee txhob hais li koj

Koj yeej tsis ncaim kuv mus li

Nuj Huas tsis tsis txhob quaj mog

Kuv kuv hlub koj os

Nkauj ntxhee Nkauj ntxhee

Kuv me nkauj ntxhee kuv tsis kam

Koj ncaim kuv mus tseg kuv nyob

Tsis muaj koj kuv yuav ua cas

Ua neeg nyob os nkauj txeeg

Sawv rov los txhob ncaim kuv mus

Tseg kuv nyob nco koj na Nkauj ntxhee

Thov lub ntuj tso kuv Nkauj ntxhee

Nws tus ntsuj plig rov qab los

Nrog kuv nyob ua lub neej

Kom muaj tub muaj ki

Kom tsheej lub neej txij nkawm

Sib hlub mus kom kawg keeb tso

Sim neej no yog tsis muaj Nkauj ntxhee

Ntshe kuv yuav tsis paub ua neeg

Nkauj ntxhee wb yeej sib hlub tshaj

Vim li cas av luaj dag tseem yuav quav

Kuv nkauj ntxhee fee hlo ntawm kuv xub ntiag

Mob kuv siab yuav ntshaw luag muaj txij nkawm

Nkauj ntxhee koj twb hais rau kuv hais tias

Wb yuav sib hlub mus kom kawg keeb

Yog vim li cas…av luaj dag tseem quav

Koj ncaim tseg kuv nyob hauv ntiajteb no

Es kuv yuav nco koj mus txog thaum twg os Nkauj ntxhee