Hnov Qab Tus Nyob Asia

Tus kuv hlub koj ncaim kuv mus sab ntuj tim ub

Koj hais tias koj mus tsis ntev koj yuav rov los

Kom kuv saib xyuas tus kheej kom zoo

Lub kua muag poob nthav tsis pom qab yuav hais li cas

Koj nyob teb chaws vam meej

Ntshe koj muaj kev txawj ntse tsis zoo li kuv

Uas khwv khwv lub kua muag poob koj yeej tsis paub

Txawm kuv yuav quaj yuav qw koj yeej tsis hnov

Txhua txhua hnub hmo kuv lub siab tsis hloov ntawm koj

Chorus

Koj ncaim kuv tuaj tau muaj kaum tawm xyoo no

Tsis hnov koj moo kuv tsis hnov koj li xov

Koj nyob li cas koj muaj lwm tus

Koj thiaj tsis nco txog kuv

Kuv tseem tos koj tseem nco ntsoov koj cov lus

Ntshe koj hnov qab ib tug rau sab ntuj Asia

Kuv sau ntawv rau koj kuv tsis tau koj li chaw nyob

Tsis pom qab yuav xa

Kuv tsis paub koj li xov tooj nws yog li cas

Kuv tsuas thov lub ntuj kom lub teb ua koj lub siab

Lub plawv tig rov los

Ntshe koj hnov qab ib tug rau sab ntuj Asia

Ntshe kuv yuav tos koj mus txog hnub kuv txoj sia tu