Poj Niam Lub Siab

Ntshe koj meem txom kuv heev puas yog

Txhua hnub txhua hmo tsuas chim rau koj ntxias

Tsuas pom niaj hnub los ua tsias

Tsuas nrhiav txoj kev nyuaj siab tas li xwb

Li ntawv los mas poj niam lub siab

Poj niam lub kua muag nws nyob ntiav ntiav

Poj niam lub siab nws muas muag

Poj niam quaj tau txhua lub sijhawm

Xav qhia rau koj paub

Kom to taub txog siab poj niam

Thaum kuv chim koj yuav tsum ntxias

Chim ib pliag xwb yeej rov zoo

Poj niam txhua tus xav kom tus hlub yuav yus lub siab nkaus xwb

Xav kom tus hlub ua txhua yam rau yus

Ntawm txoj kev hlub tsuas xav kom yus yog tus thib 1 xwb

Tsis xav faib qee koj rau leej twg

Qee hnub uas koj mus los lig lig

Xav paub hais tias koj tseem mus dabtsi

Hauj lwm twb tag thaum plaub sij

Koj tseem los zij los lem rau twg

Qee yam teeb meem me me

Txhob xav tias ntshe poj niam tsis pom

Pom koj mus nrog luag ua ke

Lub siab no nws mob dua rhe

Yog tsis hlub yeej tsis khib tsuas xav kom koj yog kuv li

Yuav mus dabtsi kuv twb nug koj es koj ne puas nug kuv thiab

Ib tug yuav tsum ncaj rau ib tug txoj kev hlub lub siab yuav tsum dawb paug

Qhov kuv xav tau tsuas yog li ntawv hauv lub plawv twb qhia ncaj ncaj

Vim li cas koj tsis paub li

--- Music ---

Hais tais tsis hlub hais tias tsis khes

Tiamsis los kua muag thaum pom koj nrog luag

Koj puas tau paub kuv lub qhov ncauj tsis xws lub siab

Lub ncauj tias ntxub hauv lub siab nws hais tias hlub

Txhua txhua hnub thiab txhua txhua hmo lub siab nws hlub thiab nco

Tag lub neej tiam no hauv lub siab tsuas muaj koj

Hais pes tsawg zaus txhiab puas zaus lub siab no tsuas muaj koj

Es koj puas yuav hnov lub siab nws hais tias hlub koj