Ntiaj Teb Hauv Tshuaj Iab

Ntiaj teb hauv tshuaj iab es iab li cas

Ntiaj teb hauv tshuaj iab ces

Iab tshaj li yeeb iab

Yog thaum noj tiaj ces

Yuav ua mob rau nruab siab

Yuav ua rau txoj sia

Ua nruj nriaj tsis tuag tsis ciaj

Ntiaj teb hauv tshuaj daw es daw li ces

Ntiaj teb hauv tshuaj daw

Ces daw tshaj li dej cawv

Yog thaum saj lawm ces

Yuav ua mob rau nruab plawv

Yam tus pos chob rawv ua

Mob ntxuj ntxaws rau nruab siab

oh vim yog kuv tsis tau paub

Kuv thiaj yuam kev loj txhaum

Zaum no yuav khaws tau

Txoj niag kev quaj kev seev

Yuav nco nws heev

Seev yees mus tag kuv lub neej

Yuav muab kuv lub siab dai ncuv

Puas saum ib nta ntuj

Sim neej no yog hnub twg

Txoj siav tu nrho

Ces yuav tsis thov los haus

Ntiaj teb khob dej txiag

Yuav nco ntsoov cia

Txhob noj ntiaj teb hauv tshuaj iab

Rov fab lwm tiam txhob rov los

Ua lub neej kho siab