Valentine Mob Siab

Tsis xav kom txog hnub Valentine

Tsis xav hnob tus mob ntxais

Lub siab mob cuag riam hlais

Hnub ntawd yog hnub txoj kev sib hlub tu

Vim koj siab dub

Ncaim kuv mus muaj dua ib tug

Ntxhias dag kuv nyob nrog lub siab nco

Tuav rawv lub paj nyob tos

Xav ntsoov thaum twg mam los

Tos hnub dhau hmo nrog lub siab mob ncu nco

Hos nws mus nrog luag nyob

Luag ntxhi zoo nws lub siab hlo

Valentine xyoo no ntshe zoo li xyoo tas los

Pom luag muaj txoj kev hlub

Hos kuv ces tu siab nrho

Vim txoj kev hlub nws saib tsis muaj nuj nqis

Nws thiaj li muab tsuj nthi

Tsis xav tsis nco txog kuv hlo li

Yim xam yim ua kuv lub siab mob

Txhua xyoo tav lub caij no

Lub siab mob cuag riam hno

Yeej xav tsis txog tias koj yuav zoo li no

Ntxias kuv lub sia hlub koj

Thaum kawg hos tso kuv nyob nco koj