Qee Luag Nplooj Siab

Thov cem ib los

Cas koj yuav liam ua lauj tiag

Koj lam mus nyiam

Tus neeg lawv muaj poj niam

Koj nraug luag ntxias

Los yog koj txaus siab

Koj thiaj txeeb luag nplooj siab

Coj los puag kia nyob ua koj tug

Thov cem ib los

Cas koj yuav liam ua lauj li

Koj txeeb luag txiv

Los no hnov lawm txhob chim

Vim yeej muaj tswv

Ib txwm raws peb paub los

Niam hlob thaum kawg raug tso

Kua muag poob nrog los lawm coob tus

[Chorus]

Nraug laus nraug seem

Los koj tsis yuav

Yawg nrauj yawg ntsuag

Los koj tsis tham

Ua cas koj lam

Mus yuav tus muaj poj niam

Thiaj ntxim koj siab

Thiaj tau koj siab xwb los

Tseem tsis tau lig yog

Yog koj yeem tig rov qab

Lub ntuj tseem dav

Tsis cia koj mus raug txim

Tso tseg txij no

Vim tias nws yog lawv txiv

Luag twb muaj cuab muaj yig

Lub neej khov kho tsis yog koj tug

Tso tseg nawb mog tsis yog koj li