Daim Nplooj Qhua

Txhua zaus thaum kuv nco txog koj

Kuv tsuas tau ntxias kuv lub siab

Kom tsis txhob xav txog vim koj twb mus zoo lawm

Ua ib siab tsis txhob nco

Txij li hnub uas koj ncaim kuv mus

Ua rau kuv txoj sia no yuav tu

Es koj nim ncaim mus tsis rov los lawm tiag

Cia kuv nyob lwj siab ntsuav

Hnub no kuv tsuas zoo li

Daim nplooj uas nws twb qhuav tag

Niaj hnub seev koj nyob qhov twg?

Ntshe kuv yuav tos tsis taus

Hnub uas yuav mus cuag koj

Mob lub siab thiaj li quaj thov…

Txhos caug thov lub ntuj daim av ua ib puas tsav yam

Kom tus neeg kuv hlub nws rov qab los

Thov kom los nrog kuv nyob li qub

Es kuv yuav coj koj mus ncig wb tej qub chaw

Yuav hais qhia tias kuv hlub koj tshaj plaws

Rov qab los nyob hauv kuv lub xub ntiag

Mog tus kuv hlub…

Oh…

Cas kuv yuav nco koj

Yuav tsis paub nyob

Niaj hnub xav txog wb txoj kev hlub…

Kuv quaj…

Kuv hu…

Txog koj…

Koj puas hnov… Os…

Hmmm…

Ntshe kuv yuav tos tsis taus Hnub uas yuav mus cuag koj

Mob lub siab thiaj li quaj thov

Ho…

Txhos caug thov lub ntuj daim av ua ib puas tsav yam

Kom tus neeg kuv hlub nws rov qab los

Thov kom los nrog kuv nyob li qub

Es kuv yuav coj koj mus ncig wb tej qub chaw

Yuav hais qhia tias kuv hlub koj tshaj plaws

Rov qab los nyob hauv kuv lub xub ntiag

Mog tus kuv hlub…

Txawm kuv yuav ua li cas los ntshe

Koj yuav tsis rov qab los lawm

Ces thov kom koj mus zoo

Thov koj mus hais rau huab rau cua

Ya los tshuab daim nplooj qhuav ntawm no

Kom ploj mus hauv lub ntiaj teb

Seb puas dim txoj kev lwj siab…