Puag Ua Zaug Kawg

Thov cia kuv puag

Koj ib zaug ntxiv

Ua ntej yauv txiv

Tso kuv pov tseg

Thov hnia sab tes

Ua ntej yuav mus

Rau ib sab ntuj

Mus ua luag tug

Thov puag ib zaug

Ua zaug kawg tso

Mam tso pluav koj

Rau luag xub ntiag

Mam ua ib siab

Tiam no yus pluag

Thiaj tau swb luag

Ib puas tsav yam

Tu lub siab tshaj

Tiam no kuv tsis tau koj

Tsis xav mus nrog

Luag ua neej nyob

Xav npo pa tuag

Kom siab tu nrho

Kom txhob pom koj

Thiab luag sib hlub

Yog tias koj mus

Ua neej tshav ntuj

Thov koj ho hlub

Txog tus neeg pluag

Yog koj mus ua

Neej poob kua muag

Nco ntsoov neeg pluag

Tseem hlub hlub koj