Vim Tias Kuv Nyob Kev Deb

Vim tias kuv nyob kev deb ntawm koj

Txoj kev hlub tsis sib cuag

Luag thiaj nyiag tau koj lub siab

Koj thiaj khiav ntawm kuv mus lawm

Vim tias kuv nyob ib sab ntuj deb

Tsuas cuag koj hauv tsab ntawv

Luag thiaj hloov tau koj lub siab

Koj thiaj khiav ntawm kuv mus lawm

Txoj kev sib hlub tus deb yeej swb tus nyob ze.

Tiam sis koj yeej paub lawm hais tias kuv hlub koj tshaj.

Vim tias kuv nyob ib sab ntuj tiag

Txoj kev hlub thiaj tu ncua

Luag thiaj hloov tau koj lub siab

Koj thiaj khiav ntawm kuv mus lawm

Yog tias kuv nyob tsis deb ntawm koj

Txoj kev hlub tsis tu ncua

Luag yuav hloov tsis tau koj siab

Wb txoj kev hlub mus zoo heev lawm