Mam Hlub Lwm Tiam

Txoj kev hlub muab zais cia rau hauv nruab siab

Mam rov los sib nrhiav hlub rau fab lwm tiam

Vim tiam no hmoov tsis txog wb thiaj tsis tau nyob ua ke

Wb txoj kev hlub tiam neej no ua siab tseg…

Ua ib siab mus ua koj lub neej kom zoo

Tsis txhob nroo txog kuv lawm moog me leej nus

Muaj ib hnub ntiaj teb tig

Wb rov tau los sib ntsib dua

Mam sib zeem hlub tshua li nkauj muam nraug nus

[CHORUS]

Vim tiam no luag tsis pom zoo wb los sib sau

Wb thiaj tsis tau sib qee los nyob koom ib lub neej

Nyob zoo koj moog me leej nus

Thov kom koj mus ntsib tus hlub

Cia rau lwm tiam wb mas rov qab los sib nrhiav dua

Ntawm lub ncauj lam hais tias ua siab ncaim mus

Hauv nruab ntsws mob khib rhe tsis xav hais lus

Xyov thaum twg thiaj li cheem

Tau lub siab kom txhob nco koj

Lam tau nruab ntsws tshem koj tawm ntawm kuv lub neej

Txawm nco koj npau twg los yuav cia kav liam

Muab khaws cia ua dab neej faus rau nruab siab

Txawm tiam no nco npaum twg

Los yuav tau ua twj ywm

Tu lub siab nrho xav tiam yog wb ntawv tsis txog

[CHORUS]

Yog lwm tiam tseem muaj wb mam los sib hlub dua

Kev npau suav tiam no ntshe tsis muaj hnub yuav yog tiag

Kev cia siab yav tag los

Cas hnub no yog kev tu siab

Dhau tagkis mus wb kev hlub ces yog luag tus…