Ntshe Yuav Maj Mam Tso Koj

Ua nkauj ua nraug

Daj dee tsis sib tau los nyob ua ke

Los thov nco ntsoov tias

Koj lub mi cev raug kuv ib tee dej

Lub neej tom ntej

Mus yug tau tub tau ntxhais los tseg

Ho saib tes taw pob ntseg

Seb puas yuav thooj kuv ib qho me me

Ua nkauj ua nraug

Tiam no txawm tau deev xwb tsis tau yuav

Cim kuv lub ntsej muag

Cim rau nruab siab cia rau nruab plawv

Sib hlub ib zaug

Nqa tsis tau daim ntawv txwj ntawv nkawm

Sib sib nyiam sib hlub sib ntshaw

Tsis tau pw ib lub txaj chaw

Kev plees nkauj nraum

Daj dee tsis sib tau pw ib lub txaj

Los thov txhob hnov qab

Kev hlub ntawm wb tias zoo li cas

Lub neej tiam no

Nyob tsis qhia neeg tuag tsis qhia dab

Tsis tau koom ib txoj xov paj

Los ua lub ntsej muag luag nyav

Ua nkauj ua nraug

Daj dee tsis sib tau nyob rau tiam no

Los yuav nco ntsoov koj

Cim rau nruab siab ua lub chaw nco

Ua lub chaw zais

Ncauj yuav tsis hais qhia rau leejtwg

Tau koj lub cev nkauj xwb

los cia zwm rau lub siab ntsws

Music

Kev plees nkauj nraum

Daj dee tsis sib tau pw ib lub txaj

Los thov txhob hnov qab

Kev hlub ntawm wb tias zoo li cas

Lub neej tiam no

Nyob tsis qhia neeg tuag tsis qhia dab

Tsis tau koom ib txoj xov paj

Los ua lub ntsej muag luag nyav

Ua nkauj ua nraug

Daj dee tsis sib tau nyob rau tiam no

Los yuav nco ntsoov koj

Cim rau nruab siab ua lub chaw nco

Ua lub chaw zais

Ncauj yuav tsis hais qhia rau leej twg

Tau koj lub cev nkauj xwb

los cia zwm rau lub siab ntsws