Tsis Muaj Kuv Koj Mam Paub

Kuv ua siab dawb ua siab zoo rau koj

Zam txim rau koj txawm yog tias ua txhaum

Koj xav tau yam dabtsi muab rau koj huv tib si

Tsis tau muaj siab rau luag lwm tus

Koj thiaj pom kuv tsis muaj nuj nqis

Koj thiaj mus ze nkauj Hmoob coob tus

Tus uas nws mob siab koj

Koj ntsia nws tsis muaj nqis

Thiaj tseg nws nyob tsis muaj txwj nkawm

Kuv thiaj txiav txim siab

Zam kev rau koj tso koj mus rau luag

Thov koj mus zoo mog kuv tus hlub

Txawm kuv tsis zoo los

Ib hnub tso koj yuav ntsia pom

Hnub tsis muaj kuv koj mam li paub txog

Tias txoj kev hlub muaj nqis npaum li cas

Cia koj ua li koj xav thaum koj lub siab nqig tag

Mam rov xav txog ces ntshe lig lawm