Wb Kev Niam Tub

Lub ntuj pub wb los ua niam tub

Ua neej ib tiam rau lub qab ntuj

Koj txoj kev hlub uas tu kuv hlob

Txog niaj hnub no los kuv yeej pauj tsis tau

Koj yog kuv leej niam zoo tshaj plaws

Koj thiaj li muaj siab dawb siab loj

Txawm kuv yuav noj yuav haus npaum cas

Koj yeej tsis xav tsis khib suav nuj suav nqi

Kuv tseem nco ntsoov txog koj

Nco tej chaw wb nyob ua ke

Wb tej chaw nqa dej txiav taw

Tej kev sib raws sib coj ua noj ua haus

Tig xav rau lub sij hawm dhau los

Wb tej kev nyob ua neej ua ke

Nim dhau tag lawm tsis muaj lawm tiag

Ntuj ni kuv niam cas nco koj ua luaj no