Peb Lub Npe Hmoob

Peb lub npe Hmoob

Yog leej twg muaj

Cas Hmoob quaj ntsuag

Ho tsis los pab

Hmoob tuag puv hav

Ntshav ntws ua dej

Cas neeg ntiaj teb

Thiaj ntsia tsis pom

Hmoob puas yog neeg

Cas tsis muaj av

Ho raug Nyab Laj

Nplog Liab raws tua

Raug luag quab yuam

Ua dev ua npua

Ntiaj teb puas muaj

Txoj kev ncaj ncees

[Chorus]

Ho…

Tiam neej no

Ntshe yuav tuag

Tsis qi muag

Cas yuav yug txhaum los ua Hmoob

Yuav tsis zoo

Xws li luag

Vim yog ntiaj teb

Lub siab tsis ncaj

Lub ntuj tsis pab

Lub teb tsis pom

Hmoob raug luag txom

Thiaj khiav thoob ntuj

Tsis muaj twg hlub

Thiaj khiav pem roob

Nkaum hav zoov

Ua niag caub fab

Ua neeg nyob

Tsis muaj leej twg

Yuav Xav txom nyem

Thiab xav noj pob cos ntoo

Noj nplooj hmab nplooj ntoos

Pw qab zeb qab ca zoo li no

Tiam sis vim yog

Peb tsis tau txoj kev ncaj ncees

Ntawm peb txoj sia Hmoob

Peb xav muaj txoj sia

Nyob luag ntxhi li koj

Tsis xav tuag hnub no thiaj li

Khiav nkaum hav zoov

Hnub no peb tuag yuav tag

Txij no thov pab

Cawm peb txoj sia