Nco Txog Hmoob

Kuv tseem nco txog lub tsev hmoob nyob saum roob

Lub tsev xov xyoob vov nplooj nyob nruab hav zoov

Pog yawg laus laus zaum tsaws ntawm ntug cub

Niam sawv ua tshais thaum tsis tau kaj ntug

Xav txog mas cas yuav zoo siab ua luaj

Txawm yog thaum ntawd yuav nyob txomnyem ntsuav

Peb ua si nplawg ntia ntawm txiv lub xub ntiag

Xav txog mas ua rau kuv kua muag ntws kiag

Yog tias muaj ib hnub

Yog tias kuv tau mus

Kuv xav rov qab pom

Lub tsev vov nplooj ntoos

Yog tias muaj ib hnub

Yog tias kuv tau mus

Kuv xav rov qab pom

Lub tsev vov nplooj nqeeb

Kuv tseem nco txog thaum nplooj xyoob nplooj ntoo zeeg

Nco txog thaum kuv cov plau hau tseem ntxhee yees

Tsis muaj fais fab tsis muaj nab pas pas

Da dej txias xwb tsis muaj dej kub da

Thaum los nag cas zoo tsaug zog ua luaj

Peb pw ib txaj ntsawm nkaus ntawm txaj qhuas

Qhov cub qhov txos ncho pa puv lub tsev

Xav txog mas nco lub neej thaum tseem me me

Yog tias muaj ib hnub

Yog tias kuv tau mus

Kuv xav rov qab pom

Lub tsev vov nplooj ntoos

Yog tias muaj ib hnub

Yog tias kuv tau mus

Kuv xav rov qab pom

Lub tsev vov nplooj nqeeb

Ib zaug ntxiv

Nimno peb hmoob nqes los nyob hauv nruab moos

Muaj vaj muaj tsev nrog luag nyob hauv plawv nroog

Txhua yim muaj TV thiab muaj tub yees

Muaj internet ua lub neej vam meej

Tus me tub los nrog luag muaj xov tooj

Pw ua ntsais nyias kov nyias lub iphone

Lub neej nimno tsi thooj yav tag los

Xav txog mas ua rau kuv kua muag ntws nto

Yog tias muaj ib hnub

Yog tias kuv tau mus

Kuv xav rov qab pom

Lub tsev vov nplooj ntoos

Yog tias muaj ib hnub

Yog tias kuv tau mus

Kuv xav rov qab pom

Lub tsev vov nplooj nqeeb

Ib zaug ntxiv