Hluas Nkauj Hmoob Zoo Nkauj

Nraug hli koj ncig mus thoob txhua teb chaws

Koj pom txhua nkauj hmoob nyob thoob qab ntuj

Nkauj hmoob koj zoo nkauj cag yuav zoo ua luaj li

Ua kuv siab ya ntshis ntsia koj tsis dhuav.

Nkauj hmoob luag ntxhi tau ntxim hlub heev

Cas yuav nyias tau kiag kuv nplooj siab mus

Tsis xav ua dab tsi xav tuaj nyob ze ntawm koj

Cas zoo nkauj ua luaj naj me nkauj hmoob.

Paj tawg es paj twb txawj zeeg tag

Cas koj yuav zoo nkauj tag zoo nkauj tuaj

Tig sab twg los luag ntxhi yuav txawj zoo nkauj

Ntshe kuv tsis tau ua koj tus os.

Paj xyoob paj ntoo twb txawj qhuav tag

Es koj yuav zoo nkauj tau tsis txawj dhuav

Nkauj hmoob koj yuav txawj zoo nkauj tag npaum

Ntshe yuav nyias ntsia ntsia koj txhua hnub

Lub ntuj tsaus ntuj kaj los nco txog koj…

Nkauj hmoob luag ntxhi tau ntxim hlub heev

Cas yuav nyias tau kiag kuv nplooj siab mus

Tsis xav ua dab tsi xav tuaj nyob ze ntawm koj

Cag zoo nkauj ua luaj naj me nkauj hmoob.

Paj tawg es paj twb txawj zeeg tag

Cas koj yuav zoo nkauj saib tsis txawj dhuav

Tig sab twg los luag ntxhi yuav txawj zoo nkauj

Ntshe kuv tsis tau ua koj tus os…

Paj xyoob paj ntoo twb txawj qhuav tag

Es koj yuav zoo nkauj tau tsis txawj zeeg

Nkauj hmoob cas yuav txawj zoo nkauj tag npaum

Ntshe yuav nyiag ntsia ntsia koj txhua hnub

Lub ntuj tsaus ntuj kaj los nco txog koj…

Paj tawg es paj twb txaj zeeg tag

Hluas nkauj hmoob koj zoo nkauj tsis txawj tag

Tig sab twg los luag ntxhi yuav txawj zoo nkauj

Nraug hmoob li kuv no puag yuav muaj txoj hmoo.

Paj hmab paj ntoo twb txawj zeeg tag

Es koj yuav zoo nkauj ntsia tsis txawj tag

Nkauj hmoob koj yuav txawj zoo nkauj tag npaum

Nraug hmoob li kuv no puas yuav muaj txoj hmoo

Kom tau nyob ze koj nrog koj hais lus…