Koj Mus Yuav Txiv Cas Tsis Yuav Kom Deb

Kuv hnov xov tias

koj tau mus yuav txiv lawm

kuv kua muag poob tawm

tu siab kawg mob siab tshaj plaws

vim koj los yuav

yuav kuv kwv tij kwv npawg

yuav tau peb ib pab ib pawg

nyob rawv ntawm kuv qab tsib taug

Koj mus yuav txiv

cas tsis mus yuav kom deb

cas tseem los yuav

tau tus uas nyob ze ze

los nyob ua ke

los koom ib zej ib zos

niaj hnub sib ntsia sib pom

los tham tsis nyog nug tsis tau ib los..

[Chorus]

Neeg muaj coob cas koj tsis yuav

koj rov los tua

tsim txom kuv ua luaj li

noj nqaij hu plig

koj lub suab hais lus luag ntxhi

kuv nyob kaw qhov rooj nti

chim chim tsis tuaj koom koj os

Mob mob kuv siab thaum pom nej nyob ua ke

kuv ua lub siab ntev

cia siab tias yuav hnov qab koj

txawm tias sib pom

los thov wb txhob sib hu

ntawm koj tus neeg kuv hlub

cia kuv mam hu koj ua kuv niam npaws…